သားလေး ကမ်းပေးသောလက်

မနက်မိုးလင်းလို့ မျက်စိနှစ်လုံးဖွင့်လိုက်ချိန်တွင် မြင်နေရသော ကျွန်တော့်အိမ်မြင်ကွင်းလေးသည် ဘာနှင့်မှ မတူအောင်ကို နွေးထွေးလှသည်။ သားလေးစာကျက်နေသံက ပို၍နားဝင်ချိုလှသည်။ ကျွန်တော့်ဇနီးသည်လေးကတော့ ယောက်ခမဖြစ်သူနေမကောင်းသောကြောင့် ဆေးရုံလိုက်သွားရန် ပြင်ဆင်နေသည်။ ခဏကြာတွင် ဇနီးသည်လေးက သားနှင့် ကျွန်တော်ကို နုတ်ဆက်ကာ ထွက်သွားသည်။ သားလေးမျက်နှာက မရွှင်မပျဖြင့်သာ ကျန်နေခဲ့သည်။ အဘယ်ကြောင့်ဆိုသော် သားသည် အမြဲတစေကျောင်းသို့ ကျွန်တော့်ဇနီးသည်က လိုက်ပို့မြဲဖြစ်သည်။ ယနေ့တွင်တော့.... သားကို လိုက်ပို့ရန် ကျွန်တော် အားတင်းလိုက်ရင်း ကတင်ဘေးတွင်ထောင်ထားသော ချိုင်းထောက်နှစ်ဖက်ကို လျှမ်းယူလိုက်သည်။

"သား...ဖေဖေ ဒီနေ့ သားကိုကျောင်းလိုက်ပို့မယ်နော်။ သားမကြောက်နဲ့။ သွား..အ၀တ်အစားသွားလဲချီ" သားလေးသည် ကျွန်တော်ကို အားကိုးသော မျက်လုံးများဖြင့် ကြည့်ကာ အကျီ င်္လဲရန် ကျွန်တော့်နားမှ ထွက်သွားသည်။ ကျွန်တော်လည်း မျက်နှာသစ်ပြီး ပြင်ဆင်ပြီးသည်နှင့် သားလေး သူငယ်တန်းကျောင်းသားကြီးကို ကျောင်းပို့ရန်ထွက်ခဲ့ပါသည်။
သားလေးက ကျွန်တော့်နားမှ ကပ်လျှောက်ကာပါလာပါသည်။ သားလေးကတော့ လက်ကလေးလွှဲကာ သီချင်းတကြော်ကြော်ဖြင့် လမ်းတလျှောက်ဆိုလာပါသည်။ ကားလမ်းကူးရန်နေရာတစ်ခုအရောက်တွင် သားလေးမျက်နှာကို ကျွန်တော်ငုံ့ကြည့်လိုက်စဉ် သားလေးပြောလိုက်တာကတော့..... "ဖေဖေ..သားသား လက်ကိုမကိုင်လည်းရပါတယ် သား ဖေ့ဖေ့ပုဆိုးလေးကို သားဆွဲပြီးလိုက်ခဲ့ပါမယ်" တဲ့ဗျာ။ ကျွန်တော်တိုက်ပွဲတွင် မိုင်းဒဏ်ရာရခဲ့သောကြောင့် ကျွန်တော့်ခြေတစ်ဖက်ဆုံးရှုံးခဲ့ရသောကြောင့် ကျွန်တော်စိတ်ဓါတ်အနည်းငယ်တော့ ကျခဲ့ပါသည်။ ဆေးရုံမှ အိမ်သို့ပြောင်းရွှေ့နေထိုင်နေသော ကာလတွင်လည်း ပတ်ဝန်းကျင်ဖြင့် ကျင့်သားမရသေးပါ။ ခြေတုကိုလည်း မှာထားသော ကာလဖြစ်သောကြောင့်လည်း အပြင်လောကနှင့် အဆက်အသွယ်မရှိခဲ့ပါ။ သားလေးကို ကျောင်းစပို့ပေးသော နေ့လေးသည် ကျွန်တော်လောကကြီးကို ဤပုံစံဖြင့်ပါရင်ဆိုင်ရဲသော သတ္တိများပိုင်ဆိုင်လာပါသည်။ ဤသို့ဖြင့် ကျွန်တော် ချိုင်းထောက်တစ်ချောင်းကိုသာ အားပြုသွားလာခြင်းကို ကျင့်ကာ သားလေးလက်ကို ဆွဲ၍လမ်းကူးနိုင်ကာ ယခုဆိုလျှင်သားလေးကို ကျောင်းသို့ပို့နိုင်နေပြီ... သားလေး ကမ်းပေးလိုက်သော လက်သည် ကျွန်တော့်ဘ၀ကို ပြန်လည်ရှင်သန်စေသော အားလေးတစ်ခုပါ......
[အမှတ်မထင် အဖြစ်အပျက်လေးတစ်ခုမှ...]

ဆက်ဖတ်ရန်...

ပြန်ခေါက်ထားရန်...

ဒီလောက်နဲ့ကျေနပ်နေရသူ

မေတ္တာပို့သသံလေးများက လေလှိုင်းတွင် လွင့်ပျံ့လာသည်။ ကြားရသူ လူအပေါင်းကို အေးမျှစေပါသည်။ ဒီရွတ်ဆိုသော အသံများသည် တပ်တွင်း ဓမ္မာရုံမှဖြစ်သည်။ မနေ့က ကျွန်တော်တို့တပ် ရှေ့တန်းထွက်သွားသောကြောင့် အန္တာရာယ်ကင်းမေတ္တာပို့ဖြစ်သည်။ ရွတ်ဆိုသော သူတိုင်းရင်မှာလည်း ပူပင်မှု၊ စိုးရိမ်မှုလေးများရှိနေမှာ မလွဲပေ။ ကျွန်တော်တို့တပ်ဝင်ရတဲ့ခွင်က သတင်းမွှေးသော ကျောက်ကြီး... တပတ်ကျော်ကျော်အကြာတွင် ကျွန်တော်တို့တပ် ခွင်ထဲရောက်ပြီဆိုတာ ကြေးနန်းဝင်လာသည်။ မနက်တိုင်းကြားရသော ရွတ်ဆိုမှုများသည် ညပိုင်းတွင်ပါ ကြားရလာသည်။ သို့သော်လည်း တစ်နေ့သောရက်တွင်တော့....
တစ်ယောက်တိုက်ပွဲကျသည်ဆိုသော သတင်းက ရောက်လာပါပြီ။ သတင်းကြားရုံဖြင့် မေ့လဲသွားသော အရာရှိကတော်ပေါက်စတစ်ယောက်ကို တပ်တွင်းဆေးခန်းကို ပို့ပေးလိုက်ရသေးသည်။ သူက လွန်ခဲ့သော နှစ်ပတ်ကမှ မင်္ဂလာဆောင်ထားတာကိုး။ သတင်းအတိအကျရချိန်မှာတော့ တပ်ရင်းမှူးကတော်ကို သတင်းပို့ရသည်။ တပ်ရင်းမှူးကတော်ကြီးကလည်း ရင်တဖိဖိ။ ကျန်အရာရှိကတော်များကလည်း မိမိတို့ခင်ပွန်းမဟုတ်သော်လည်း ၀မ်းသာလို့ရသည်မဟုတ်။ မိမိယောကျာ်းနောက်တန်းပြန်ပါလာမှသာ ရင်တွင်းအပူလုံးကို ချနိုင်မည်သာ။ တပ်ရင်းမှူးကတော်ကြီး ကိုယ့်အိမ်ရှေ့ နံမည်လာအခေါ်ကို အချိန်မရွေးဖြစ်လာနိုင်သည်။ ကျွန်တော်လည်း ထိုထိုသော အရာရှိကတော်များကို ကြည့်ပြီး ကျွန်တော့်ကောင်မလေးကို ထိုသို့ဖြစ်လာလျှင် မည်သို့ဖြစ်မည်နည်းဟု ဖုန်းလှန်းဆက်မေးမိပါသည်.. သူမပြန်ဖြေလိုက်တာကတော့ "စစ်ထဲတောင်ဝင်ချင်တာ ၀င်လို့မရလို့ အရာရှိကတော်ဘ၀နဲ့ ကျေနပ်ရတာ"တဲ့ဗျာ။

ဆက်ဖတ်ရန်...

ပြန်ခေါက်ထားရန်...

ရေဒီယိုနှင့် မီးအိမ်လေးပိုင်ရှင် ကျွန်တော်

တစ်ခါတုန်းက မိတ်ဆွေတချို့က "မင်း ကတော့ ကံကောင်းတယ်ကွာ ကျည်ဝေးရာ တိုင်းတပ်မှာ ပန်ကာလေးနဲ့ ကောင်းလိုက်တာတဲ့ "စစ်သားတွေဆိုရင် လူတွေက စုတ်စုတ်ပြတ်ပြတ်.. ချို့ချို့တဲ့တဲ့ပဲ မြင်ချင်တယ်ထင်တယ်။ ကောင်းကောင်းလေးနေရရင် ပြောချင်လာတယ်။ ကျွန်တော်ပိုင်ဆိုင်တာကတော့ အမေပေးတဲ့ မီးအိမ်အိုလေးနှင့် ရေဒီယိုတစ်လုံးပါ။ အခု ကျွန်တော် စခန်းစစ်ထွက်လာတာ တစ်ပတ်ကျော်ပြီ.. စခန်းအားလုံးလည်း ပြီးသလောက်ရှိပါပြီ။ ပြန်ရတော့မယ်ဆိုတော့ ပြင်ဆင်စရာရှိတာပြင်ဆင်ပေါ့။ စခန်းစစ်ဆိုပေမယ့် ကျော့ကျော့လေး စစ်ရတာတော့ မဟုတ်ပါ။ စစ်ဆင်ရေးထွက်သကဲ့သို့ အစစအရာရာ တစ်စခန်းပြောင်း တစ်စခန်းသတိထားရပါသည်။ ကျွန်တော်နောက်ဆုံးသွားရမယ့် နေရာကတော့ ကဗျာစာချိုးလေးနဲ့ နေရာပါပဲ... ၁၉ ဖာပွန် တမလွန် ဆိုသော..နေရာလေးပေါ့
အသွားမှာပေါ့ ကလေးတွေပြောသလို နိုး ပလုံ ပလုံပေါ့။ အပြန်မှာပေါ့ အဲဒီမှာ စတွေ့တာပဲ ဆိုတဲ့အတိုင်းပါပဲ ပစ်ခတ်မှုနဲ့ဆုံပါသည်။ ကံကောင်းချင်တော့ အမေ့သားလေး.. အမေပို့သသော မေတ္တာကြောင့် ဘေးမသီရန်မခ အေးဆေးစွာ ပြန်ရောက်လာခဲ့ပါသည်။ တပ်ရောက်သည်နှင့်လည်း မိန်းမယူရန် ဆုံးဖြတ်လိုက်သည်။ အခြားတော့ မဟုတ်ပါ.. ကျွန်တော့ ညီမလေးပြောသော ငှက်ပျောတုံးဖက်ရမှာကို စိုးပါသည်။ ဒါပေမယ့်လည်း ညီမလေးရယ်... အစ်ကိုတို့က စစ်သားတွေပါ။ အစ်ကိုတို့ဘ၀ကို နားလည်ပေးမယ့် အိမ်သူသက်ထားကို ရဖို့ဆိုတာ မဟူရာညမှာ အပ်ပျောက်ရှာရတာပါ။ ဖူးစာဆိုတာ ဦးရာလူ ဆိုတော့ အစ်ကိုတို့စစ်သားတွေက တာဝန်တွေဆိုတာ နေ့ရောညပါလေ.. ဘယ်နားမှာ ဦးချိန်ရမှာတုန်းကွာ။ မိန်းမယူထားသော သူငယ်ချင်းများရဲ့ အိမ်သူသက်ထားများကိုလည်း လေးစားမိတယ်။ သူငယ်ချင်းတွေ ဘ၀ကိုလည်း အားကျရင်း ဘာရယ်မဟုတ် ကျွန်တော့်ဖူးစာရှင်လေးကို ရေဒီယိုလေးကို နားထောင်ရင်း အမေပေးတဲ့ မီးအိမ်အိုလေးဖြင့် မီးခွက်ထွန်းရှာနေကြောင်း သတင်းကောင်းပါးလိုက်ပါတယ်။
[ရတခမှ အစ်ကိုတစ်ယောက်အကြောင်း တစေ့တစောင်း]

ဆက်ဖတ်ရန်...

ပြန်ခေါက်ထားရန်...

တိုက်ဆိုင်မှုဟု မဆိုချင်ပါ..အစ်ကို

မနေ့တစ်နေ့က အစ်ကိုတစ်ယောက်ရဲ့ blogကို ၀င်ဖတ်ကြည့်ရင်းက စစ်မြေပြင်တွင် ဆောင်ရန်၊ ရှောင်ရန်စကားလေးတွေ အကြောင်းကို ဖတ်မိရင်း သူငယ်ချင်းတစ်ယောက်နှင့် ဆွေးနွေးနေလိုက်သေးတယ်။ ပြောလို့မှမဆုံး စားပွဲပေါ်ကဖုန်းက ခပ်စွာစွာအသံဖြင့် ထမြည်လိုက်သောကြောင့် အလျင်အမြန်ကောက်ကိုင်လိုက်မိသည်။ တစ်ဖက်ကပြောဆိုသူ စကားဆုံးသည်နှင့် ကျွန်တော့်နှလုံးသွေးရပ်သွားသကဲ့သို့ ခံစားလိုက်ရသည်။
ကျွန်တော့်အစ်ကိုအရင်းလိုချစ်ခင်ရပါသော အစ်ကို စိုးလွင်ဦး.... ဆွဲမိုင်းထိသောကြောင့် နေရာတွင်ပင် ပွဲချင်းပြီးဆုံးသည်တဲ့ မည်သို့မျှဖြေမဆည်နိုင်ပါ။ အစ်ကို့ရဲပြုံးနေသော ဟန်ပန်လေးတွေ၊ ခပ်အေးအေးသာ ပျော်ပျော်နေတတ်သော အစ်ကို။ အစ်ကိုက အသားမည်းသော်လည်း ချစ်လိုက်ရင်တော့ ဆန့်ကျင်ဖက်အသားအရောင်။ အစ်မကိုတော့ အပြင်တွင်တစ်ခါသာ မြင်ဘူးလိုက်သည်။ အစ်ကို ရှေ့တန်းပါတော့ အစ်မဆီကို ဖုန်းဆက်ပြီး ပြန်လာရင် လက်ထပ်ချင်ပါကြောင်းပြောနေရင်း အစ်မနဲ့ စကားများကြတော့ အစ်ကို စိတ်မကောင်းသော မျက်နှာလေးဖြင့် ရှေ့တန်းကို ပါသွားတာ မျက်စိထဲက မထွက်ဘူး။ အခု ဒီလိုသတင်းကြားရတော့ အစ်မဆီကိုလည်း ဒီသတင်းရောက်သွားမယ်လို့ ထင်ပါတယ်။ ကျွန်တော်တို့စစ်သားတွေ ဘ၀က ဆန်းတော့ ဆန်းတယ်။ ကံရှိသလောက်လို့ ပြောပေမယ့် တိုက်ဆိုင်မှုတွေကတော့ ရှိနေတတ်သောကြောင့် ရှောင်သင့်သောစကားကို ရှောင်ရသည်။ ရှေ့တန်းမသွားခင် လက်ထပ်ခွင့်မတင်ရခြင်း၊ လက်ထပ်ခွင့်မတောင်းရခြင်း..... မည်သို့ပင်ဆိုစေကာမူ ကျွန်တော့် အစ်ကိုကြီးကတော့ ထိုတိုက်ဆိုင်မှုခေါင်းစဉ်အောက်တွင် ပါသွားကာ အသက်ပေးဆပ်သွားပါပြီ။ တိုင်းပြည်အတွက် အသက်ပေးဆပ်သွားသော အရာရှိ၊ အရာခံစစ်သည်များနှင့် ဗိုလ်ကြီးစိုးလွင်ဦး ကောင်းရာ သုဂတိလားပါစေ။[အစ်မလည်း အစ်ကို့ကို စိတ်ဆိုးနေတာတွေ ခွင့်လွှတ်ပေးပါလို့ ကျွန်တော်ကြားက တောင်းပန်ပါတယ်]Type the rest of your post here.

ဆက်ဖတ်ရန်...

ပြန်ခေါက်ထားရန်...

ပန်းဖြူလိုနားထောင်ပေးပါနော်...မေမေ

ရှေ့တန်းမှ ပေးပို့သော သတင်းကြားကြားခြင်း ခန္ဓာကိုယ်သည် ကျက်သေသေသကဲ့သို့ လှုပ်ရှားမှု ခေတ္တမျှရပ်ဆိုင်းသွားသည်။
"ဆရာကြီး...... ကျသွားပြီ။ မင်းထိသလိုမျိုးပဲ...ဆွဲမိုင်းပဲကွာ။" ဗိုလ်မှူးပြောလိုက်သော စကားကြောင့်ပင် ကိုယ့်ခြေထောက်လေးကို ကိုယ်ပြန်ကြည့်မိလိုက်သည်။ လွန်ခဲ့သော နှစ်ကဖြစ်ခဲ့သော အဖြစ်အပျက်က ခံစားချက်လေးကို ပြန်စဉ်းစားမိလိုက်သောကြောင့် ကျောရိုးလေးပင်အေးကနဲဖြစ်သွားသည်။...
ဆရာကြီးကျဆုံးသည့်သတင်းကို တပ်ရင်းမှူးကတော်ကို သတင်းပို့ပြီး၊ အစ်မနှင့် အတူ လိုင်းခန်းဖက်သို့ထွက်လာခဲ့သည်။
"ဗိုလ်ကြီး...အစ်မလည်းပြောမထွက်ဘူး။ ရုပ်ရှင်ထဲမှာသာ ဒီလိုပြကွက်ကို စိတ်မကောင်းဘူးလို့ ခံစားမိရုံပေမယ့် ကိုယ်တိုင် ကြုံရတော့ ပြောမထွက်တော့ဘူး"အစ်မလည်း အသံတုန်တုန်ကို ထိန်း၍ ဆရာကြီးကတော်နာမည်ကို ခေါ်လိုက်သည်။ နာမည်ခေါ်လိုက်လျှင် ခေါ်လိုက်ခြင်း အိမ်ပေါက်ဝသို့ပြေးထွက်လာသော ဆရာကြီးကတော်... တပ်ရင်းမှူးကတော်လည်း စကားတစ်လုံးမှ မပြောနိုင်အောင်ပင် တိတ်ဆိတ်သွားသည်။ ကျွန်တော်လည်း ယိုင်လဲသွားသော ဆရာကြီးကတော်ကို လှမ်းဆွဲလိုက်ရင်း....သူမရင်ခွင်ထဲတွင်ပိုက်ထားသော နှစ်နှစ်အရွယ်ကလေး လေးကို လျှမ်းချီလိုက်မိသည်။ အဖေတူသားဇာတ်ကားကြည့်စဉ်တုန်းကတော့ ပန်းဖြူက တည်ငြိမ်စွာနားထောင်နိုင်ပေမယ့် ပြင်ပလက်တွေ့တွင်တော့ ထင်သလောက် မအေးဆေးပါ။ အသင့်လိုက်ပါလာသော ဆေးမှူးက နှာနတ်ပေးရင်း တပ်ရင်းမှူးကတော်ပြောသော စကားများကို ရှိုက်ကြီးတငင်ငိုရင်းနားထောင်နေသော ဆရာကြီးကတော်...မိခင်ရင်ခွင်သို့ပြန်သွားချင်၍ ရှိုက်ကြီးတငင်ငိုနေသော ကလေးငယ်...ကျွန်တော်ဘေးမှ ကြည့်နေရင်းနှင့်ပင် မေမေ့ကို သတိရလိုက်မိသည်။ ကျွန်တော်မိုင်းထိခဲ့တုန်းက ထိုသတင်းကို မေမေ မည်ကဲ့သို့ မည်ပုံ နားထောင်ခဲ့ပါသနည်း။ ကျွန်တော်ခြေထောက်ပြန်ကောင်းလာသောကြောင့် တပ်မတော်တွင် ဆက်လက်အမှုထမ်းမည်ဆိုတုန်းက မေမေပြောခဲ့သောစကား
"သား....စစ်သားတွေဘ၀က ပြည်သူတွေ အသက်အိုးအိမ်တည်မြဲရေးအတွက် မိမိတို့အသက်ကိုပေးဆပ်၊ မိမိတို့ကိုအားကိုးအားထားနေသော်မိသားစု၊ ချစ်သူခင်သူတွေကို ခွဲခွာပြီး ကာကွယ်နေကြရမှာပါပဲ။ သားရဲ့ဆန္ဒသဘောအတိုင်းသာ ဆုံးဖြတ်ပြီး ဆေးဆင့်ချ မချ စဉ်းစားပေါ့ "ဟုမေမေပြောခဲ့သော စကားလေးများကို ပြန်ကြားယောင်မိလိုက်သည်။
မေမေ ရေ...သား အတွက် ဒီလို သတင်းမျိုး မေမေကြားခဲ့ရမယ်ဆိုရင်းလည်း ပန်းဖြူလို နားထောင်ပေးပါနော်ဟု မေမေ့ကို တိုင်တည်မိရင်း......
(၂၈-၁၁-၀၇။ ကျောက်ကြီးစစ်ဆင်ရေးတွင် ကျဆုံးသွားသော ဆရာကြီးတစ်ဦး၏ အကြောင်းကို ရေးသားမိပါသည်။ ဆရာကြီး ကောင်းရာသုဂတိလားပါစေ။)

ဆက်ဖတ်ရန်...

ပြန်ခေါက်ထားရန်...

ကိုယ်ချင်းစာပြီး အားပေးပါ..

နေရောင်ခြည်ပူပြင်းမှုသည် ဆောင်းတွင်းဟု ယုံနိုင်ဖွယ်မရှိအောင်ကို ပူပြင်းနေသည်။ လူကုံထံတွေသာ နေထိုင်သော တက္ကသိုလ်ရိပ်သာလမ်းတစ်လျှောက်တွင် ကားများကတော့ ဥဒဟိုသွားလာနေကြသော်လည်း အရိပ်ကင်းမဲ့သော ထိုလမ်းမပေါ်တွင် လမ်းလျှောက်သွားလာနေသူ မရှိသလောက်ကို ရှားပါးသည်။ သူမတို့ သူငယ်ချင်းတစ်စုသည်လည်း ထိုဥဒဟိုသွားလာနေကြသော ကားများထဲမှ တစ်စီးအပါအ၀င်တွင် လိုက်ပါလာကြသည်။ သူမ ကားမောင်းနေရင်းမှ လူတစ်စုသည် ပူပြင်းသော နေရောင်ခြည်အောက်တွင် အရိပ်ကင်းမဲ့သော ထိုလမ်းတစ်လျှောက် သွားနေကြသည့် မြင်ကွင်းလေးဝင်လာသည်။ လူတွေလမ်းလျှောက်တာ မဆန်းသော်လည်း ဆန်းနေသည်မှာ ထိုလူစုထဲမှတစ်ယောက်သောသူတွင် သစ်သားချိုင်းထောက်တစ်ခုပင်
ဖြစ်သည်......
ထိုလူစုသည် သံလွင်ရောင်ဝတ်စုံကို ၀တ်ဆင်ထားကြသော်လည်း ထိုချိုင်းထောက်နှင့်သူကတော့ သံလွင်ရောင်အင်္ကျီလက်ရှည်လေးနှင့် ပုဆိုးကိုသာ ၀တ်ဆင်ထားသည်။ သူမ ကားကို ထိုလူစုအကျော်တွင် ထိုးရပ်လိုက်သည်။ သူမသူငယ်ချင်းသည် ကားကိုထိုးရပ်သော် သူမကို "ဟာ..နင်ကတော့ စစ်ဝတ်စုံမြင်တာနဲ့ကို ဘာထဖြစ်ရတာတုံး" သူမသူငယ်ချင်းပြောလိုက်သောစကားကို စိတ်မကောင်းတော့ဖြစ်မိ
သည်..သူမတစ်ခွန်းထဲသာ ပြန်ပြောနိုင်ခဲ့သည်...
"ခဏ..စောင့်ကြည့်လိုက်ပါ..ကားရပ်ရတဲ့အကြောင်း ဘာဆိုတာသိရမှာပါ" ထိုလူတစ်စု သူမကားနားမှ ဖြတ်သောအခါ သူတို့လက်ထဲတွင် စာအုပ်လေးများကို ကိုင်ဆောင်ထားကြသည်။
"ဦးလေးတို့.. စာအုပ်ရောင်းတာလား"
"အေးကွယ့်..သမီးကစိတ်ဝင်စားလို့လား"
"ဟုတ်ကဲ့ သမီး ၀ယ်ချင်လို့ပါ။" သူမ စာအုပ်တစ်အုပ်ကို ယူ၍ ငွေချေသောအခါ သူမပိုက်ဆံအိတ်ထဲမှ စစ်ဝတ်စုံဖြင့် လူတစ်ယောက်ပုံကို ထိုလူတစ်စုထဲမှ တစ်ယောက်က မြင်သွားပုံရသည်။
"သြ..ညီမက အရာရှိတစ်ယောက်ရဲ့ ညီမလား"
"မဟုတ်ပါဘူး..အစ်ကို။ ညီမအဖေကလည်း မိုင်းနင်းမိထားတဲ့ စစ်သည်တစ်ယောက်ပါ" သူမလည်း ၀ယ်ခြမ်းပြီးသည်နှင့် ကားလေးကို တက္ကသိုလ်ရိပ်သာလမ်းအတိုင်း ဆက်မောင်းခဲ့သည်။ သူမ သူငယ်ချင်းဆီက ပြောလိုက်သံ စကားလေးကတော့
"နင့်ကို တောင်းပန်ပါတယ်... ဦးလေးကြီးတွေက ဘ၀ကို ဒီလိုဖြစ်သွားတာတောင် သူတပါးတွေလို တောင်းစားနေတာ မဟုတ်ပဲ မသန်ပေမယ့် ကိုယ်စွမ်းဆောင်နိုင်တဲ့ အားလေးဖြင့် သမာအာဇီဝနဲ့ မိသားစုကို လုပ်ကျွေးနေတာ ငါတို့တွေ...
ကိုယ်ချင်းစာပြီး အားပေးသင့်တယ်.."
[အဖြစ်အပျက်လေးက ရိုးစင်းသော်လည်း စစ်သားတွေရဲ့ ပြင်းထန်ခိုင်မာသော စိတ်ဓါတ်ကို သူငယ်ချင်းမလေး..သိသွားတာကို ၀မ်းသာမိပါသည်။]

ဆက်ဖတ်ရန်...

ပြန်ခေါက်ထားရန်...

ပြန်ဆုံချင်မိသော ပန်းကုံးပိုင်ရှုင် ညီမလေး

ပန်းကုံးလေးကမ်းပေးသော လက်လေးတစ်စုံကို တောင့်တမိသည်။ ကျေးဇူးပါပဲဟု မပြောခဲ့မိသော...လွန်ခဲ့သော အတိတ်နေ့တွေဆီက အကြောင်းအရာက မနေ့တစ်နေ့ကလိုလို.... ကျွန်တော် စစ်တက္ကသိုလ်ကျောင်းဆင်းပြီးလို့တာဝန်ကျရာတပ်ရင်းတစ်ခုကို ရောက်ရှိခဲ့ပါသည်။ ကံကောင်းချင်သော ကျွန်တော်..တော်လှန်ရေးချီတပ်လမ်းလျှောက်ခြင်းမှာ ပါဝင်ရမည်ဆိုသော ကြေးနန်းကြောင့် ရန်ကုန်မြို့ကို ရောက်ရှိလာခဲ့သည်။ သူမနှင့် ကျွန်တော်ဆုံစည်းရန် ဖြစ်ချင်လာတော့....

ထိုဆိုင်ကလေးမှာ ကျွန်တော် ထမင်းစားရင်းက ဆုံစည်းခွင့်ရခဲ့သည်။ rehersal နေ့တွေမှာတော့ သူမလာလာကြည့်နေသည်ကိုတော့ အမှတ်မထင်တွေ့မိသည်။ ဤသို့ဖြင့်တပ်မတော်နေ့သို့ရောက်လာခဲ့ရာ ကျွန်တော်ချီတပ်လမ်းလျှောက်သော စစ်ကြောင်းကို သူမ လူအုပ်ကြားမှ ကြိုးစားပမ်းစားရှာနေပုံလေးကို ယနေ့ထိပြန်မြင်ယောင်မိသည်။ နောက်ဆုံး ကျွန်တော်တို့စစ်ကြောင်းကျော်ခံနီးလေးတွင် သူမ ကျွန်တော့်ကို ရှာဖွေတွေ့ရှိသွားပါသည်။ သို့သော်လည်း သူမ၏လက်ထဲမှ ပန်းကုံးကလေးသည် ကျွန်တော်ထံရောက်မလာနိုင်တော့ပါ...နောက်မှ စစ်ကြောင်းများက ဆက်တိုက်ပါလာသောကြောင့် သူမလူအုပ်ကြားထဲမှ ထွက်လာချိန်တွင် မမှီလိုက်တော့ပါ.... မျက်ရည်များဖြင့်ပြည့်လျှံနေသော သူမမျက်ဝန်းလေးကို ကျွန်တော့်မျက်စိဒေါက်မှသာ တွေ့လိုက်ရသည်။ စိတ်မကောင်းပါဘူး..ညီမလေးရယ်။ တော်လှန်ရေးနေ့ပြီး၍ တပ်ဆီသို့ပြန်ရမည့်နေ့တွင် ကားများနားသို့ သူမရောက်လာပါသည်။ ကျွန်တော့်ကို လှမ်းပေးလိုက်သော ဘူးလေးတစ်ခု..ထိုအချိန်က ကျွန်တော်သူ့ကို ဘာမှပြန်မပြောခဲ့မိပဲ...စွံအစွာပင် ဘူးလေးကို ယူထားလိုက်မိသည်။ တပ်ပြန်ရာလမ်းတစ်လျှောက် ရထားပေါ်တွင် ဘူးလေးကို ဖွင့်ကြည့်မိသောအခါ... ပန်းကုံးလေးတစ်ခုထွက်လာပါသည်...စာတစ်စောင်ကတော့..အစ်ကို့အတွက်ဟုသာ မင်နက်နက်လေးဖြင့်ရေးထားသည်။ သူမရေးပေးလိုက်သော မင်နက်နက်လေးသည် စက္ကူပေါ်တွင်သာ ထင်ရှားခြင်းမဟုတ်ပဲ..ကျွန်တော့်အတွေးအာရုံတွင်ပါ ထင်ရှားနေသည်ကို ကျွန်တော်နှင့်သူမ ကွဲကွာခဲ့ပြီး (၄)နှစ်လွန်သည်အထိ ရှိနေသေးသည်ကို..သူမသိနိုင်ပါစေ။ အမိမြေကို ပြန်လာချိန်မှာ ကျွန်တော့်ကို ပန်းကုံးလေးဖြင့် ရန်ကုန်လေဆိပ်တွင် သူမရှိနေခဲ့ပါလျှင်..မည်မျှကောင်းမည်နည်းဟု တွေးတောရင်းဖြင့် နံရံပေါ်ရှိ ပြက္ခဒိန်ရက်လေးကို တစ်ရက်ခြစ်လိုက်မိသည်....
[ခံစားချက်တစ်ခုကို အမှတ်မထင်ပြောပြပေးခဲ့သော အစ်ကို ကိုကျေးဇူးတင်ပါတယ်။]

ဆက်ဖတ်ရန်...

ပြန်ခေါက်ထားရန်...

အောင်ပွဲရစစ်သည်တော် လက်ထဲရှိ ညှိုးနွမ်းသွားသော သပြေခက်

ကျွန်တော်တို့ စစ်သားဘ၀မှာတွယ်တာစရာ မရှိအောင်နေနိုင်ရင်တော့ကောင်းတာပေါ့...
ကိုယ့်အသက်ခန္ဓာကို ပေးဆပ်ထားပြီး တိုက်ပွဲဝင်နေရသော မသေချာမရေရာသော ဘ၀ထဲကို ခင်မင်တွယ်တာရသောသူကို မခေါ်ရက်ပါ။
ဒါပေမယ့် ပုထုဇဉ်လူသားကျွန်တော်လည်းချစ်ခြင်း၊ မုန်းခြင်းကို ခံစားတတ်သောကြောင့် ကျွန်တော့်ရဲ့မသေချာမရေရာသော ဘ၀ထဲကိုချစ်သူကောင်မလေးကို ခေါ်ခဲ့မိပါသည်။
အိမ်ထောင်ကျပြီးကတည်းက ကျွန်တော်ပြောင်းရွှေ့ရသော ဒေသများကို မငြီးမငြူဖြင့် လိုက်လံနေထိုင်ပေးသော ကျွန်တော့်ဇနီးလေး....
ကျွန်တော်စိတ်ဓါတ်ကျနေသော အခါများတွင်လည်း အားပေးနိုင်ခဲ့သူ...
ကျွန်တော့်ရဲ့ခြောက်သွေ့ခဲ့သော နောက်တန်းပြန်ဝင်ရသော ရက်များကို တပ်ဝမှ သပြေပန်းလေးများဖြင့် သားလေးကိုပိုက်ကာ ကြိုဆို၍ ကျွန်တော့်နေ့ရက်များကို
အရောင်ပြောင်းလဲပေးခဲ့သူ..........
တောင်ပြာတန်း စစ်စခန်းဆီသို့ သွားနေရသော ခြေလျှမ်းတို့သည် အိမ်သူသက်ထားလေးဆီသို့ စိတ်ကရောက်ရောက်နေသည်။ မီးဖွားရက်နီးနေသော ဇနီးသည်အနားတွင် နေချင်ပါသော်လည်း တာဝန်ဝတ္တရားအရ ခရီးထွက်ခဲ့ရသည်။ စိတ်ကမဖြောင့် သားလေးမွေးတုန်းကလည်း ကျွန်တော် မရှိခဲ့ပါ။ ဒီတစ်ကြိမ်တွင်လည်း ကံကမကောင်းချင်တော့ လုံခြုံရေးလိုက်ရသည်။ ရက်သတ္တပတ်လေးပတ်ကျော်တွင်တော့ ကျွန်တော်နောက်တန်းပြန်ဆင်းခွင့်ရသော်လည်း ကြေးနန်းရောက်လာသော ရေးပေါ်
ကိစ္စကြောင့် ရန်ကုန်ကို ကျွန်တော်သွားခဲ့ရသည်။ ၀မ်းသာမှုတွေဖြင့် ကျွန်တော်ကံတရားကို ကျေးဇူးတင်နေမိသည်။ သို့သော် ဇနီးသည်နေထိုင်သည့်မြို့သို့သွားရောက်ရန်ပင် အချိန်မရသောကြောင့် ကိုယ့်ကိုယ်ကိုပင် စိတ်မကောင်းဖြစ်မိသည်။ သို့သော်လည်း ဖုန်းအဆက်အသွယ်အမြဲရနေသောကြောင့် တော်သေးသည် ပင်ဆိုရမည်။ ဤသို့ဖြင့်ပင် လူ့လောကထဲသို့ ကျွန်တော့်သမီးလေးရောက်ရှိလာပါသည်။ ကျွန်တော့်ဇနီးသည်လေးက ကျွန်တော့် ဘ၀အတွက် ခင်တွယ်စရာ သားလေးနှင့် သမီးလေးကို ကျန်းကျန်းမာမာလေးဖြင့်မွေးထုတ်ပေးခဲ့တယ်။ သို့သော်လည်း ကံတရားက ကျွန်တော့်ဖက်ရှိမနေတော့ပါ.....တစ်ခုသော မနက်တွင် ကျွန်တော့်ထံဝင်လာသော ဖုန်းသည် ကျွန်တော့်ဘ၀ကို ပြောင်းလဲပစ်စေခဲ့သည်ကို ကျွန်တော်ကြိုသိ
ခဲ့ပါလျှင်... မီးဖွားပေးပြီကတည်းက ကျန်းမာရေးမကောင်းသောကြောင့်ရန်ကုန်ဆေးရုံသို့တင်ရန် မနက်ဖြန်လေယာဉ်ဖြင့် ပါလာမည့်အကြောင်း ညီမဖြစ်သူကဖုန်းဆက်ပြောခဲ့သည်။ ကျွန်တော် တာဝန်တွေကြားကပင် ဇနီးသည်ကို ကြိုရန် ရန်ကုန်လေဆိပ်သို့ရောက်ရှိလာခဲ့ပါသည်... လေယာဉ်ပျံဆင်းသက်လာပါပြီ....ခန်းမဆောင်ပြင်သို့ထွက်လာသော လူများထဲမှ ကျွန်တော့်ဇနီးသည်လေးသည် ဘီးတပ်ကုလားထိုင်လေးပေါ်တွင် ဖျော့ဖျော့လေးသာပါလာပါတော့သည်။
ကျွန်တော်ယူလာသောကားလေးက ဂျစ်ကား... တက္ကဆီထပ်ငှားရန်လုပ်သော ကျွန်တော့်လက်လေးကို လှမ်းကိုင်လိုက်သော သူမလက်ချောင်းလေးများက အားမရှိလှ...ကျွန်တော်ယူလာသော ဂျစ်ကားလေးကို ပင်ရှေ့ခန်းတွင် ကျွန်တော့်ပခုံးလေးကို မှီကာလိုက်ပါလာသောသူမ..... ဆေးရုံသို့ရောက်ရောက်ချင်းတွင်ပင် အရေးပေါ်အခန်းတွင်းသို့ ရောက်ရှိသွားသော သူမ...။ ကျွန်တော် သတိပြန်ဝင်လာချိန်မှာ ကျွန်တော့်ပုခုံးထက်က သူမကိုယ်တိုင်တပ်ဆင်ပေးလေ့ရှိသော ကြယ်ပွင့်လေးများပေါ်တွင်
သူမ မျက်ရည်တွေ.... နာရီပေါင်းများစွာအကြာတွင် ကြားလိုက်ရသော စကားတစ်ခွန်း...
သူမ ဆုံးပြီတဲ့...
[အမှတ်မထင်မြင်တွေ့ခဲ့ရသော ကြေကွဲဖွယ်တစ်ခုပါ။ အစ်မ ကောင်းရာသုခတိလားပါစေ။]

ဆက်ဖတ်ရန်...

ပြန်ခေါက်ထားရန်...

နောက်တန်းပြန်မည့် ကျွန်တော် (သို့) ကျွန်တော့်နာရီ

လက်ကနာရီလေးကို ကြည့်လိုက်စဉ် စက္ကန့်တံလေးများအတိုင်း အတွေးတို့ အတိတ်ဆီသို့ တစ်စစ.....စစ်မြေပြင်သို့ သွားရောက်ရမည်ဆိုသော် သတင်းကြားကတည်းက အိမ်သူသက်ထားက မျက်ရည်လည်ကာ ရက်တစ်ရက်၏ အချိန်တော်တော်များများသည် ဘုရားကျောင်းဆောင်ရှေ့တွင်သာ အလုပ်ရှုပ်နေလေတော့သည်။ ရှေ့တန်းစစ်စခန်းသို့သွားရောက်ရသောနေ့တွင်လည်း ထွက်သွားသော ယာဉ်တန်းကြီးကို ဖုန်မှုန့်များ ပျောက်ကွယ်သွားသည် အထိရပ်ကြည့်နေအုံးမည့် ချစ်ဇနီးသည်ကို မြင်ယောင်မိသည်။
ရှေ့တန်းစစ်မြေပြင်သို့ရောက်တိုင်း ကျွန်တော့်ရဲဘော်များကို မှာကြားမိသည်ကတော့..
"မင်းတို့ ငါတိုက်ပွဲမှာကျရင် ငါ့အလောင်းကို မြှုပ်ဖို့စဉ်းစားမနေနဲ့တော့။ အောက်ကို ဆွဲချဖို့လည်း စိတ်မကူးနဲ့..သေသွားပြီးသား အသေကောင်ကြောင့် နောက်လူ ဒုက္ခမရောက်စေချင်ဘူး။ ဒါပေမယ့်ကွာ ငါ့နာရီလေးကိုတော့
ငါ့မိန်းမဆီရောက်အောင်ပြန်ပို့ပေးကြ"
ကျွန်တော့်ရဲဘော်များက ကျင့်သားရနေပြီ ဖြစ်သော ကျွန်တော့်အမှာစကားကို ပြုံးပြုံးလေးနားထောင်ကြစမြဲ ဖြစ်သည်။ ကျွန်တော့်ဇနီးကလည်း အိမ်ကို နာရီပြန်မရောက်လာလျှင် ကျွန်တော်ပြန်လာမည်ဟု မှတ်ယူထားလိုက်တော့သည်။ ဤသို့ဖြင့်သာ နှစ်တွေကုန်ဆုံးရင်း ကျွန်တော့်လက်က နာရီလေးသည်
ကျွန်တော့်လက်ကောက်ဝတ်တွင်သာ ရှိနေခဲ့တော့သည်။ အတွေးနယ်တွင်နစ်နေသော ကျွန်တော့်ကို "ဖိုးဖိုး..သားကို ဒီနာရီလေးပေးပါလား"
မြေးလေးက နာရီကို ကြည့်၍ပြုံးနေသော ကျွန်တော့်ထံသို့ရောက်ရှိလာခြင်းဖြစ်သည်...
သြ..မြေးလေးရယ် ဖိုးဖိုးလက်မှာ ဒီနာရီလေး မရှိတော့ရင်... မြေးလေးရဲ့ ဖွားဖွားက ဒီနာရီကို ဖိုးဖိုးလက်မှာ မဟုတ်ပဲ အခြားသော နေရာမှာ တွေ့ရှိခဲ့လျှင်...........

ဆက်ဖတ်ရန်...

ပြန်ခေါက်ထားရန်...

အရာရှိကတော်လောင်းများကို မှာချင်တာက...

အောက်တိုဘာလရဲ့ တစ်ခုသော သောကြာနေ့တွင် ပျော်ရွှင်မှုများဖြင့် မမောနိုင် မပန်းနိုင် မင်္ဂလာကိစ္စများကို ဆောင်ရွက်နေသော ဆံပင်ကုတ်ဝဲလောက်လေးကို ဖါးလားလေးချကာ ကွာတာဘောင်းဘီတိုလေး ၀တ်ဆင်ထားသော ကောင်မလေးတစ်ယောက်....

စနေနေ့၏ မင်္ဂလာရက်မြတ်ချိန်လေးတစ်ခုတွင် မြန်မာ့ကျက်သရေ ထိုင်မသိမ်းလေးကို ၀တ်ဆင်ထားကာ ပြုံးစိစိမျက်နှာလေးဖြင့်ကောင်မလေးနှင့် Service Suit ၀တ်ဆင်ထားသော ကောင်လေးတို့ ယှဉ်တွဲကာ မင်္ဂလာခမ်းမအတွင်းသို့ ၀င်လာကြသည်.......
တနင်္ဂနွေနေ့တွင် မိဘဆွေမျိုးမောင်နှမများကို နှုတ်ဆက်ကာ ခင်ပွန်းတာဝန်ကျရာဒေသသို့လိုက်သွားရန် ပြင်ဆင်နေသော ဆံပင်လေးကို စည်းနှောင်ထားကာ ကွာတားဘောင်းဘီလေး ၀တ်ဆင်ထားသော ကောင်မလေး...
တနင်္လာနေ့တွင်..."ငယ်ရေ.. မပြီးသေးဘူးလား။ ဒီမှာ အစ်မတို့ကတောင်စောင့်နေရပြီ။"
"လာပါပြီ..ကိုကိုရယ်။ ငယ်ဆံပင်ဖြီးနေလို့ပါ။"
"ဟောဗျာ..ဘယ်လိုလုပ်လိုက်တာလည်း..ငယ်။ ဘောင်းဘီတိုနှင့် စပို့ရှပ်နဲ့။ ဒါက ဘယ်လိုဖြစ်တာလည်းကွာ"
"ဟာ..ကိုကို ကလည်း လယ်ထဲလိုက်ကြည့်ရမှာဆို..ဒါ့ကြောင့်လွတ်လွတ်လပ်လပ်ရှိအောင်လို့ပါ။"
"ငယ်......ငယ်က လွန်ခဲ့သော..သောကြာနေ့က ငယ် မဟုတ်တော့ဘူး။ အရာရှိကတော် ဖြစ်သွားပြီ။ ငယ့်..လက်အောက်မှာ ရဲမေတွေရှိတယ်။ အခြားအရာရှိငယ် ကတော်တွေ ရှိတယ်လေကွာ.. ငယ် ဒီလိုဝတ်တော့ ဘယ်လိုလုပ်မလည်း.. ထမီလေးနှင့်ရင်ဖုံး သို့မဟုတ် ရင်စိအင်္ကျီလေး ၀တ်ခဲ့နော်.. မြန်မြန်လဲခဲ့ အစ်မတို့စောင့်နေရတာ အားနာစရာ။"
မျက်နှာလေးပျက်ပျက်ဖြင့် အခန်းထဲသို့ပြန်ဝင်သွားသော ကောင်မလေးတစ်ယောက်တွေးနေတာကတော့.....
"ညီမတို့ အစ်မတို့များ... တပ်မတော်ထဲဝင်ရင်လေ.. သူ့ကိုပြောလိုက်စမ်းပါ... ရင်ဖုံး၊ ရင်စိနှင့် ထမီတွေသာ များများချုပ်ယူလာကြပါလို့" ညီမလေးကတော့ ဒီနေရာကနေ..မှာချင်ပါတယ်။့ 

ဆက်ဖတ်ရန်...

ပြန်ခေါက်ထားရန်...

ပညာတော်သင်ကျောင်းသားသည်လည်း တစ်ချိန်တုံးက စစ်မြေပြင်မှာပါ....

ညီမလေးစကားကိုကြားတော့ စိတ်မကောင်းဖြစ်မိသည်။"အစ်ကိုလေးတို့က နိုင်ငံခြားပညာတော်သင်ကို အေးအေးဆေးဆေးသင်နိုင်ချိန်မှာ စစ်မြေပြင်မှာ တာဝန်ထမ်းဆောင်နေတဲ့ စစ်သားတွေရဲ့ဘ၀ကို ဘယ်သူတွေကမှ ကိုယ်ချင်းမစာနိုင်ပါဘူး.."
ညီမလေးရယ် အစ်ကိုတို့တွေလည်း ဒီဘ၀ကနေ ကျော် ဖြတ်လာသူတွေပါကွာ။ တစ်ချိန်တုံးက မင်းအစ်ကိုဟာလည်း.... သေမင်းတမန်လမ်းက ပြန်လာတဲ့သူတစ်ယောက်ပါ။
၂၀၀၆ ခုနှစ် ဇူလိုင်လ.... မိုးတွေရယ် ဘာအငြိုးကြောင့်များ ........ဒီလောက်ရွာနေရတာလည်းကွာ။ မနေ့ကဖြစ်ပွားသောတိုက်ပွဲတွင် ဒဏ်ရာရလူနာများကို နောက်တန်းပြန်ပို့ပေးရမယ့် အဖွဲ့တွင် ကျွန်တော်က တပ်စုမှုးအဖြစ်လိုက်ပါလာရသည်။ မိုးက သည်းမည်းစွာ ရွာသွန်းသောကြောင့် ထင်သလောက်ခရီးမပေါက်။ ဒဏ်ရာရလူနာများကိုလည်း မကြည့်ရက်၊ သယ်ဆောင် ထမ်းပိုးနေကြသော ရဲဘော်များကိုလည်း ကိုယ်ချင်းစာသည် မြန်မြန်သွားရန်
အမိန့်ကိုလည်း မပြောရက်.. ဤသို့ဖြင့် လမ်းခရီးတွင် ရက်တော်တော်ကြာနား၍ ခရီးဆက်ရသောကြောင့် ရိက္ခာကမလောက်တော့ပြီ...
မိုးတွေကသည်းသည်းမည်းမည်း အငြိုးကြီးစွာရွာစဲပင်.. ရဲဘော်လေးလာပေးသွားသော ထမင်းကို စားရန်ပင်တော်တော်အဆင်မပြေ။ မိုးကာခြုံထားသောလည်း လေအဝှေ့တွင် အဆင်ကသိပ်မပြေချင်။ ဟန်းကောချိုင့်လေးထဲမှ မြေပဲဆန်လေးနှင့် ထမင်းကို ငုံ့ခပ်လိုက်ချိန်တွင် Jugle Hat ပေါ်မှ ရေများက ချိုင့်ထဲသို့ တလပောာစီးဆင်းသွားတော့သည်။ မြေပဲဆန်လေးတွေက ရေမြှုပ်နေသော ထမင်းပေါ်တွင် ပေါလောပေါလော။ ထမင်းကို လက်တဖက်ဖြင့်ခံကာ ရေပြန်စစ်ရင်း..... မြို့ပေါ်များတွင်တာဝန်ကျနေသော သူငယ်ချင်းများကို သတိရလိုက်သည်။ စစ်သားတွေဘ၀သည် ကျရာတာဝန်ကို ကျရာနေရာတွင် တာဝန်ထမ်းဆောင်ကြရသည်များကို တွေးရင်း ထမင်းအေးအေးလေးများကို စားခဲ့သည်။
အခုတော့လည်း ပြည်ပနိုင်ငံတွင် ပညာတော်သင်လာနေသော ကျွန်တော်တို့တွေသည် တစ်ချိန်ကလည်း ဒီလိုဘ၀တွေကို ဖြတ်ကျော်ခဲ့ရတယ် ဆိုတာ..ညီမလေး..သိပါစေကွာ။ ။

ဆက်ဖတ်ရန်...

ပြန်ခေါက်ထားရန်...

ကျွန်တော် အရာရှိဖြစ်ပါပြီ

မနက်နေရောင်အောက်တွင် ခြေအစုံသည် သချိုင်းအ၀တွင်ရပ်မိရင်း...အတွေးတွေကလည်း တစ်ချိန်တုံးက အတိတ်ဆီသို့ရောက်ရှိသွားတော့သည်။ တက္ကသိုလ်ဝင်တန်းကို ထူးချွန်စွာအောင်မြင်သော ကျွန်တော့်ကို ဖေဖေနှင့် မေမေက တပ်မတော်ထဲသို့ဝင်ရန် အားပေးကြသည်။ သားကြီးက အရာရှိဝတ်စုံလေးနဲ့ ကျက်သရေရှိမှာပဲလို့ မေမေက တဖွဖွပြောလေသည်။ ကျွန်တော် တပ်မတော်ထဲ မ၀င်ချင်ပါ။ အများနည်းတူ မြကျွန်းညိုညိုတက္ကသိုလ်ဟူသော ရောင်စုံပန်းများဖူးပွင့်နေသော တက္ကသိုလ်ကိုသာ တက်ချင်ပါသည်။ သို့သော်လည်း မိသားစုထဲတွင် အကြီးဆုံးသားဖြစ်သော ကျွန်တော်က မိဘစကားကို ရှေ့ဆောင်လမ်းပြ လိုက်နာမှသာလျှင် ညီငယ်၊ ညီမငယ်တို့ကို ဆုံးမနိုင်မည်သာဖြစ်သည်။ ဤသို့ဖြင့် ကျွန်တော် တပ်မတော်နည်းပညာတက္ကသိုလ်သို့ရောက်ရှိလာပါတော့သည်....

ပထမနှစ်ကျောင်းသားတို့၏ဘ၀သည် ကျောင်းစတက်ကာစ သူငယ်တန်းကျောင်းသားလေး ကျောင်းစတက်သလို မချိုမြိန်ပါ။ အကြီးအငယ်အုပ်ချူပ်ရသောစနစ်ဖြစ်သောကြောင့် အချို့အချို့သော ကိစ္စများတွင် ပြန်ပြောခွင့်မရအောင်ကို အမိန့်နာခံရသည်။ ယောကျာ်းတန်မဲ့ မျက်ရည်ကျသလားမေးလျှင်..ကျွန်တော်မျက်ရည်ကျပါသည်။ ခါးသည်းမှုတွေကို ကြုံရတိုင်း ဖေဖေနှင့်မေမေကို ကျေးဇူးဆပ်ချင်သောစိတ်ကြောင့်သာ စစ်ထဲဝင်လာတာပဲဟု ကိုယ့်ကိုယ်ကို အားတင်းရင်းမျက်ရည်များဖြင့် အိပ်စက်ခဲ့ရသော ညတွေသည် တတိယနှစ်အရောက်တွင် ခန်းခြောက်စပြုလာပါသည်။ ကျွန်တော်ချစ်ရပါသော မေမေသည် ကျွန်တော့်တို့ကို လောကကြီးထဲတွင်ထားခဲ့တော့သည်။ မေမေ့ဈာပနကို အမှီပြန်ခွင့်တော့ ကျွန်တော်ရခဲ့ပါသည်။ အထီးကျန်မှုတွေဖြင့် ကျွန်တော် တစ်နှစ်ကျော်ဖြတ်လာနိုင်ချိန်.... စတုတ္ထနှစ်လယ်တွင် ရန်ကုန်သို့ကွင်းဆင်းလေ့လာရေးသွားရပါသည်။ လေ့လာရေးပြီး၍ ကျောင်းသို့ပြန်ရောက်သော အခါတွင် ကျွန်တော်ရူးသွပ်သွား မတတ်ခံစားရပါတော့သည်။ ဖေဖေ့ရက်လည်ဆွမ်းသွတ်သောနေ့ကိုသာ ကျွန်တော်မှီလိုက်ပါတော့သည်။ ကျွန်တော် ဘာဆက်လုပ်ရတော့မလည်း မည်သူ့ကို ကျေးဇူးဆပ်ဖို့ စစ်ထဲဝင်လာတာလည်း ကျွန်တော်မေးခွန်ပေါင်းများစွာဖြင့် ဖေဖေနှင့်မေမေအုတ်ဂူတို့ကို ကန်တော့ကာ ကျွန်တော်ကျောင်းတော်ကြီးသို့ပြန်လာရပါတော့သည်။ ဒီဇင်ဘာနှင်းမှုန်လေးတွေကြားမှာ ကျောင်းဆင်းပွဲဟူသော နေ့တစ်နေ့ထိတိုင် ကျွန်တော် ဤကျောင်းတော်ကြီးတွင် ဆက်လက်ရှိနေခဲ့ပါသည်။ လစ်လပ်နေသောမိဘထိုင်ခုံလေးက ကျွန်တော့်ရင်ထဲတွင် ဖေဖေနှင့်မေမေပြုံး၍ကြည့်နေသည်ဟု ခံစားမိသည်။
"ကိုကြီး...ဘာတွေရပ်ပြီး စဉ်းစားနေတာတုံး.. ၀င်ရအောင်လေ" ညီမလေးက ကျွန်တော့်လက်ကို ဆွဲရင်းသချိုင်းထဲသို့ဝင်လာခဲ့ကြသည်။ ညီငယ်သုံးယောက်နှင့် ညီမလေးကိုကြည့်ရင်း ကျွန်တော်မျက်ရည်ကျမိသည်။ ဖေဖေနှင့်မေမေ သားကာကွယ်စောင့်ရှောက်ရမှာ ညီလေးတို့ ညီမလေးတို့တင် မဟုတ်တော့ပါဘူး...နိုင်ငံတော်တစ်ခုလုံးကိုပါ ကာကွယ်စောင့်ရှောက်ရတော့မှာပါ။
ဖေဖေနှင့်မေမေ... သားအခု အရာရှိတစ်ယောက်ဖြစ်ပါပြီ။ မေမေမြင်ချင်တဲ့ အရာရှိဝတ်စုံနဲ့သား မေမေတို့ရှေ့ကိုရောက်နေပါပြီ။
"ဖေဖေနှင့်မေမေတို့ ကျေးဇူးကိုဆပ်ဖို့ သား ..တပ်မတော်သားကောင်းတစ်ယောက် ဖြစ်လာအောင် ဆက်ကြိုးစားပါ့မယ်။" ဖေဖေနှင့်မေမေ ကြားနိုင်ကြပါစေ။ ။
(ကျေးဇူးတင်ခြင်း။ ။ခံစားချက်လေးတစ်ခုကို စာရေးတင်ခွင့်ပေးသော တပ်မတော်နည်းပညာတက္ကသိုလ်မှ အစ်ကို့ကို အထူးပင်ကျေးဇူးတင်ပါတယ်။ )

ဆက်ဖတ်ရန်...

ပြန်ခေါက်ထားရန်...

မွန်မြတ်သော ဆုံးဖြတ်ချက်

"မချစ်နိုင်ဘူး။"
"ဘာလို့ မချစ်နိုင်ရတာတုံး။"
"ခြေလျင်က မဟုတ်လို့။ မီးငယ် က လေတပ်ဝတ်စုံကို မကြိုက်ဘူး။ ဒါကြောင့် လေတပ်ကို ရွေးမယ်ဆိုတော့ အစ်ကိုကြီးကို မချစ်နိုင်ဘူး။"
ထိုအချိန်က ကိုယ့်စိတ်က မရည်ရွယ်ဘဲပြောလိုက်သော စကားတစ်ခုသည် သူတစ်ပါးကို ဒုက္ခရောက်စေခဲ့သည်ကို မသိခဲ့ပါ။ ဗိုလ်လောင်းဘ၀ နောက်ဆုံးနှစ်ရွေးချယ်မှုများတွင် အစ်ကိုကြီးမည်သည့်လိုင်းကို ရွေးချယ်ခဲ့သည်ကို သူမ မသိခဲ့ပါ။ လအနည်းငယ်ကြာသောအခါ သူမအိမ်သို့စာရောက်လာပါသည်။ စာအိတ်ပေါ်တွင် ....
ဗိုလ်...... (ကြည်း ......)
ဆိုသည့် အစ်ကိုကြီးနာမည်ကို ဖတ်လိုက်ရသောအချိန်တွင် အံ့သြမှုများဖြင့် သူမစကားပင်မပြောနိုင်တော့။ သူမပြောခဲ့သော စကားကို အမှန်တကယ်ပင်အလေးထားကာ ကြည်းတပ်ကိုရွေးချယ်ပြီးမှ ဒုတိယအကြိမ်ချစ်ခွင့်ပန်သော အစ်ကိုကြီးကို ချီးကျူးမိသည်။ ထိုအချိန်တွင်လည်း သူမက တက္ကသိုလ်ကျောင်းသူဘ၀ဖြစ်သောကြောင့် အစ်ကိုကြီး၏ပုံမှန်ရောက်ရောက်လာသော စာလေးများသည် စိတ်ဝင်စားဖွယ်အဆင့်က မကျော်လွန်နိုင်ပေ။ နွေမိုးဆောင်းတစ်ကျော့ပြီးသော ဆောင်းဥတု၏ရက်တစ်ရက်တွင် သူမအတန်းရှေ့သို့ အစ်ကိုကြီး၏သူငယ်ချင်းတစ်ယောက် ရောက်လာပါသည်။ အတန်းပြီးသော အခါတွင် ဆိုက်ဆိုက်မြိုက်မြိုက်ပင် သူမရှေ့ရောက်လာကာ အစ်ကိုကြီး သည် စစ်မြေပြင်တွင် မိုင်းနင်းမိသောကြောင့် ခြေထောက်တစ်ဖက်ဆုံးရှုံးသွားကြောင်း၊ ယခု မင်္ဂလာဒုံတပ်မတော်အရိုးရောဂါကုဆေးရုံတွင် တက်ရောက်ကုသမှုခံနေကြောင်း အဆောင်နံပါတ်များကိုပြောကာ ပြန်လည်နှုတ်ဆက်ထွက်ခွာသွားလေသည်။ သူမကမ္ဘာကြီးတစ်ခုလုံးသည် ချာချာလည်သွားသလိုခံစားလိုက်ရသည်။ တစ်ညလုံးလည်း အတွေးမြောက်များစွာဖြင့် အိပ်မရဖြစ်ပဲမိုးလင်းသွားသည်။ နောက်ဆုံးတွင် ဆုံးဖြတ်ချက်တစ်ခုရရှိလိုက်သည်။ မနက်အိမ်မှထွက်လာသောအခါ သူမကားလေး၏ ဦးတည်ချက်သည် ကျောင်းသို့မဟုတ်ပဲ မင်္ဂလာဒုံသို့ဦးတည်၍မောင်းနေသည်။ အစ်ကိုကြီးရေ... မီးငယ်အပြစ်တွေအတွက်တောင်းပန်ပါတယ်။ မီးငယ်ဘ၀တစ်ခုလုံးကို အစ်ကိုကြီးရဲ့ဘ၀ အဖော်မွန်အဖြစ်ရပ်တည်ပါတော့မယ်....
နောက်တစ်နှစ်ပြည့်သောနေ့တိတိတွင် သူမနှင့် အစ်ကိုကြီးပျော်ရွှင်စွာ မင်္ဂလာဖိတ်စာတွေ လိုက်ဝေရင်း အနာဂတ်အတွက် ခွန်အားအပြည့်ဖြင့် ပြုံးနေသော အစ်ကိုကြီးမျက်နှာကို သူမ ငေးကြည့်နေမိသည်။
(လေးစားအပ်ပါသော အန်တီတစ်ယောက်ကို ဂုဏ်ပြုလိုသောကြောင့် ရေးသားလိုက်ခြင်းဖြစ်ပါသည်။ အန်တီ..ဒီဝတ္တုလေးကို နားလည်ပေးပါလို့တောင်းပန်ရင်း...)

ဆက်ဖတ်ရန်...

ပြန်ခေါက်ထားရန်...

ကျွန်တော်တို့က လူထဲကလူ၊ လုထဲက စစ်သား

ကျွန်တော်တို့တပ် ရှေ့တန်းက ပြန်သ်ိမ်းလာပြီ။ ရန်ကုန်မှာမငြိမ်မသက်ဖြစ်တာရော၊ ကျွန်တော်တို့တပ်ခွဲကို နောက်တပ်ခွဲတစ်ခုနဲ့လဲတာရောကြောင့် နောက်တန်းကို ပြန်လာရတယ်။ အိမ်က ဇနီးနှင့် သမီးမျက်နှာကိုတောင် မတွေ့ရသေး...စခန်းရုံးက ထပ်မံပေးအပ်လိုက်တဲ့ နောက်တာဝန်တစ်ခုကို ဆောင်ရွက်ဖို့ အသင့်ပြင်ရတော့မည်။ အိမ်ကိုပြန်လာတဲ့လမ်းတစ်လျှောက် ကြားလိုက်ရသော အကြောင်းအရာတစ်ခုကြောင့် တော်တော်စိတ်မကောင်းဖြစ်မိသည်။ စစ်သားတွေကို ဘယ်ဂြိုလ်က ကျလာတာလည်း၊ သူတို့ကိုရော အဖေ အမေကမွေးတာ မဟုတ်ဘူးလား အစသဖြင့် ပြောဆိုနေတာတွေကို ကြားလိုက်ရတယ်။ ကျွန်တော်တို့ဟာ စစ်သားဆိုတဲ့ ၀န်ထမ်းတွေပါ။ အမိန့်ကို နာခံရမယ်။ နိုင်ငံကို ကာကွယ်ရမယ်။ ဘယ်မင်းတက်တက် ဘယ်အစိုးရတက်တက် ကျွန်တော်တို့ကတော့ ပေးအပ်တဲ့တာဝန်ကို ကျေပွန်ရမှာပါ။ ကျွန်တော်တို့မှာ ဗိုလ်လောင်းဘ၀ကတည်းက ထမင်းမစားခင်တောင် ရွတ်ဆိုရတဲ့ သစ္စာအဓိဌာန်(၄)ချက်အတိုင်း လိုက်နာဆောင်ရွက်နေသည်မှာ...
ဘယ်ဂြိုလ်က ကျလာတဲ့ အကောင်တွေဆိုတဲ့ စကားလုံးဘ၀အောက်ကို ရောက်ကုန်ပြီလား ... ရန်ကုန်မှာ ဒီအခြေအနေရောက်လာတော့မှ ကျွန်တော်တို့ ရှေ့တန်းစစ်မြေပြင်မှာ ချစ်သူ ခင်သူကို ခွဲခွာပြီး အသက်တွေ ချွေးတွေရင်းပြီး တိုက်ပွဲဝင်ခဲ့ရတာတွေက မြူမှုန်လို ပျောက်ကွဲသွားပြီလား။ ကျဆုံးသွားတဲ့ ရဲဘော်ရဲဘက်တွေ ကိုယ်အင်္ဂါအစိတ်အပိုင်းတွေစွန့်လွှတ်လိုက်ရသော စစ်သားတွေနှင့် ကျွန်တော်တို့တွေက ဘယ်ဂြိုလ်က ကျလာတဲ့ အကောင်တွေလည်းဆိုတဲ့ ခေါင်းစဉ်အောက်မှာလား ?????
အတွေးတွေနဲ့လျှောက်လာရင်း အိမ်ရှေ့အရောက်တွင်...ကျွန်တော်အသက်မသေပဲ ပြန်လာတာကို အိမ်ဝမှာ စောင့်နေတဲ့ မျက်ရည်စက်လက်မျက်နှာလေးနဲ့ ကျွန်တော့်ဇနီး၊ လောကကြီးအကြောင်းကို ဘာမှသေချာမသိသေးတဲ့ ကျွန်တော့်သမီး ...
ညစ်ပတ်ပေကျံနေသော ယူနီဖောင်းနဲ့ ကျွန်တော့်ရင်ခွင်ဆီကို ဖေဖေ ဟုအော်ကာပြေးဝင်လာသော သမီးလေးမျက်နှာကိုကြည့်ရင်း ဒေါသတရားများကွယ်ပျောက်သွားသည်။ ဘယ်လိုပင်ခံစားနေရပါစေ ကျွန်တော့်တာဝန်ကို ဆက်လက်ဆောင်ရွက်နေရမှာပါ။ စိတ်ဓါတ်စစ်ဆင်ရေးကို မကျဆုံးရအောင် အားပေးနေသော ကျွန်တော့်သမီးနှင့် ဇနီးကတော့ အကောင်းဆုံး အားဆေးတစ်ခွက်ပါ..

ဆက်ဖတ်ရန်...

ပြန်ခေါက်ထားရန်...

မွန်မြတ်သောပေးဆပ်ခြင်း

တိတ်ဆိတ်နေသော မနက်ခင်းတစ်ခုတွင်...
" လုံးဝသဘောမတူနိုင်ဘူး။ မင်းအဓိပ္ပာယ်မရှိတာမပြောနဲ့ ...မင်းက မေမေတို့ရဲ့တစ်ဦးသော သား။ မင်းကို ဘယ်နည်းနဲ့မှ အဆုံးရှုံးမခံနိုင်ဘူး " မေမေကတော့ ပြတ်သားစွာပင်ပိတ်ပင်နေပြီ။ ဖေဖေ ဆီမှနောက်ဆုံး အသက်ကယ်ဆေး အနေနဲ့ လျှမ်းကြည့်လိုက်မိသည်။
"သား...စစ်သားဘ၀ဆိုတာ မင်းထင်သလို မလွယ်ဘူးနော်။ မင်းဆင်းရဲဒုက္ခခံနိုင်လို့လား။ မင်းစစ်ထဲဝင်ချင်တင်ဆိုရင်တောင် တပ်မတော်စစ်ဆေးကို ၀င်ပေါ့။ မင်းအဖေနှင့် အမေက ဆရာဝန်တွေဆိုတာ မမေ့နဲ့အုံး။ " ဖေဖေထံမှရလိုက်သော စကားကတော့ အားပေးမှုမပါ။
"ဖေဖေကတောင် စစ်သားတွေဘ၀ကို ဆင်းရဲဒုက္ခလို့မြင်ရင်.. အခုဝင်နေတဲ့သူတွေကို ဘယ်လောက်ဂုဏ်ယူဖို့ကောင်းလည်း..သားကတော့ဆုံးဖြတ်ချက်ကို လုံးဝမပြင်ဘူး။" ထိုကဲ့သို့အတိုက်အခံများဖြင့်......

သူစစ်တက္ကသိုလ်သို့ရောက်ခဲ့သည်။ တစ်ဦးတည်းသောသားဟူသော ဘ၀တွင် ပျင်းစရာကောင်းခဲ့သော သူ့ဘ၀တွင် ချစ်ခင်လေးစားရသော အစ်ကိုတွေ၊ ညီတွေရခဲ့ပါတယ်။
(၃)နှစ်ပြည့်မြောက်လို့ကျောင်းဆင်းပွဲနေ့တွင် မေမေကတော့ မျက်ရည်များဖြင့်သာ ထွက်ဖို့ကို တတွင်တွင်ပြောနေသေးသည်။
"သားရယ်.. မေမေစိတ်မချဘူး။ ထွက်လိုက်ပါလား"
"မေမေ.. သေမယ့်သူချင်း အတူတူ မြတ်သော သေခြင်းနဲ့သာ သေချင်တယ်။ သားအသက်နှင့် ခန္ဓာကို သားပေးလှူထားပြီးသားပါ။ သား သေမှာမကြောက်တော့ပါဘူး။ သေရင်မြေကြီး၊ ရှင်ရင်ရွှေထီးပါ..မေမေ" ကျောင်းဆင်းပြီးသောအခါ တာဝန်ကျရာနေရာသို့သွားရောက်တာဝန်ထမ်းဆောင်ခဲ့ပါသည်။ နောက်ပိုင်းတွင် စာရေးသူထံသို့ သူအဆင်ပြေကြောင်း၊ သူ့ဘ၀ကို သူကျေနပ်ကြောင်း စာလေးများရောက်ရောက်လာပါသည်။
မိုးအကုန်ဆောင်းအကူးကာလလေးမှာတော့ မမျှော်လင့်သော သတင်းတစ်ခုကြားလိုက်ရသည်။ စာရေးသူ၏ သူငယ်ချင်းတိုက်ပွဲတွင် ကျဆုံးသောသတင်းကရောက်ရှိလာပါသည်။ သူ၏ဈာပနကို မအားသည့်ကြားက ရောက်အောင်သွားလိုက်သည်။ သူငယ်ချင်းရေ... မင်းပြောတဲ့ မြတ်သော သေခြင်းပါပဲ။ မင်းကို ဂုဏ်ပြုတဲ့ သေနတ်ပစ်ဖျောက်သံတွေကို မင်းကြားရ ရဲ့လားကွာ။ မင်းပြောခဲ့ဘူးတဲ့ လူရယ်လို့ဖြစ်လာရင် မြတ်သောသေခြင်းနဲ့ သေဆုံးခြင်းသည် အကောင်းဆုံးဆိုတာကို မင်းက သက်သေပြသွားတာလား..

(တိုင်းပြည်တာဝန်ကို ထမ်းဆောင်ရင်း ကျဆုံးသွားသော စစ်တက္ကသိုလ်သင်တန်းအမှတ်စဉ်-၄၇ မှ သူငယ်ချင်းကိုရည်စူးရင်း..)

ဆက်ဖတ်ရန်...

ပြန်ခေါက်ထားရန်...

ညီလေးအတွက်

ကျွန်တော့်ဘ၀မှာ ပျော်စရာကောင်းသော ရက်တစ်ရက်ထပ်မံပေါ်ပေါက်လာပါပြီ။
ကျွန်တော့်ရည်မှန်းချက်တွေ သေပြီလို့ထင်ခဲ့ရသောနေ့မှ (၂)နှစ်တိတိကျော်လွန်သောအခါ...
"ဗိုလ်ကြီး ....... ခင်ဗျားခြေထောက်က ပုံမှန်နီးပါးပြန်ဖြစ်နေပြီပဲ..အံ့သြစရာပဲဗျာ။ ဗိုလ်ကြီးဆေးဆင့်ချအုံးမှာလား..ဒီအတိုင်းဆို "
" ဗိုလ်မှူး..တစ်ကယ်လား..၀မ်းသာလိုက်တာ။ ကျွန်တော်အရင်ကလိုတော့ ပြေးရင်မနာတော့ဘူးဆိုတာတော့ သိတယ်။ ဒီလောက်ကြီးထိကောင်းလိမ့်မယ်လို့ မထင်ထားတာ။ ဒီလိုသာဆိုရင်တော့ ကျွန်တော်ဆေးဆင့် မချတော့ပါဘူး။ ကျွန်တော့် အသက်သေသည် အထိ တပ်မတော်ထဲမှာပဲ တာဝန်ထမ်းဆောင်ချင်ပါတယ်။ "
" ကောင်းပါတယ်။ ဒါဆို ဆေးမှတ်တမ်းရေးပေးလိုက်မယ်။ အရမ်းတော့ ပြင်းပြင်းထန်ထန်တော့မလုပ်သေးနဲ့ သင်တန်းတွေကတော့ တက်လို့အဆင်ပြေမှာပါ"

ဆရာဝန်ကြီးစကားတွေကို နားထဲမှ မထွက်နိုင်အောင် ပီတိများစွာဖြင့် ကျွန်တော့်ကုတင်ဆီသို့ပြန်လာမိသည်။ ကုတင်ပေါ်တွင်လှဲနေရင်း အတွေးနယ်များကို ချဲ့မိသည်............

"ကိုကြီး..ဒီနေ့ဆေးစစ်တာ အဖြေရပြီ..ညီလေးအောင်တယ်။ ဒါပေမယ့် ညီလေး မသွားချင်ဘူး။ အမေနှင့် ကိုကြီးကို မခွဲနိုင်ဘူး။ နောက်ပြီး ကိုကြီးခြေထောက်ကလည်းကောင်းတာမဟုတ်တော့ ကျွန်တော်အပြင်မှာပဲ စီးပွားရေးပြန်လုပ်ပေးတော့မယ်ဗျာ"
ကျွန်တော့်လက်သီးက မပြောမဆို ညီလေးနှာခေါင်းရိုးကို ထိမိရက်သားဖြစ်သွားသည်။ ညီလေးကတော့ ကျွန်တော့်အား တွေတွေကြီးသာ စိုက်ကြည့်နေသည်။
"မင်းမို့လို့ပြောရက်တယ် ကိုလေး။ ငါဒါဏ်ရာရတာက ခြေထောက်တစ်ခုတည်းပါကွ ငါမသေသေးပါဘူး။ မင်း..အဖေမှာတာတွေကို မေ့သွားပြီလား။ မင်းတိုင်းပြည်အတွက် ဘာတာဝန်ကျေအောင်လုပ်ခဲ့ပြီးပြီလည်း။ မင်း စစ်တက္ကသိုလ်မှာ (၃)နှစ်လုံးလုံးပညာသင်ခဲ့တဲ့ ကျေးဇူးတရားကို မမေ့နဲ့။ ပညာတော်သင်သွားရတာကိုတောင် မင်းက ဂုဏ်ယူရမှာ။ ငါဒါဏ်ရာရလို့ ငါ့ခြေထောက်စွန့်လွှတ်ရရင်တောင် ငါကျေနပ်တယ်။ အမေနှင့်ငါအတွက်.မင်းစိတ်ပူမနေပါနဲ့ကွာ ...ငါလည်း ခွင့်ရတိုင်း အမေ့ဆီ အမြဲဝင်မှာပါ။ အဖေနှင့်အမေဖြစ်စေချင်တဲ့ ထူးချွန်တဲ့သူတစ်ယောက်ဘ၀ကို မင်းရအောင်ဆက်ကြိုးစားပါ။ "
ညီလေးကတော့ ကျွန်တော့်အား ခေါင်းသာညိတ်ပြပြီး နှုတ်ဆက်ကာပြန်သွားလေသည်။

ကျွန်တော်စိတ်မကောင်းတော့ဖြစ်မိသည်။ ညီလေးက အမေနှင့်ကျွန်တော့်အတွက် စိတ်ပူတာကို ကျွန်တော်ဘာကြောင့်များ ထိုးမိပါသနည်း။ ညီလေးအတွေးကလည်းမမှားပါ။ အမေသည် သား(၃)ယောက်ကို လူ့လောကအလယ်တွင် အဖေ မရှိတော့သည့်တိုင် လူတန်းစေ့နေနိုင်အောင် ထားပေးခဲ့သည်။ လူလားမြောက်သော သားနှစ်ယောက်လုံးသည် စစ်ထဲသို့ဝင်ခဲ့သည်။ ကျွန်တော့်ဒါဏ်ရာရသည့်တိုင် အမေကတော့ အပြုံးမပျက်သူ့သားများအတွက် ဂုဏ်ယူနေဆဲ......
ကျွန်တော်ခြေထောက်ပြန်ကောင်းလျှင်တောင် စစ်ထဲမှာပဲဆက်လက်အမှုထမ်းချင်သည်ဟု အမေ့ဆီသို့ဖုန်းဆက်ပြောသောအခါ .. သားတို့အတွက် အမေ အမြဲဂုဏ်ယူနေမှာပါဟုပြောရင်း ချောင်းများဆိုးကာ စကားပင်ဆက်မပြောနိုင်တော့သည့် အမေ့အသံကို ကြားရချိန်မှာတောင် ကျွန်တော်စစ်တပ်ကထွက်ဖို့ စိတ်ကူးပင်မရှိခဲ့ပါ။ ကျွန်တော်တစ်ကိုယ်ကောင်းဆန်နေပြီလားဟု နောက်တနေ့တွင် ဖုန်းပြောသောအခါမေးမိလိုက်ရာတွင်...
" သားရယ်..မင်းတို့ အဖေသွေးတွေက မင်းတို့ကိုယ်မှာ စီးနေတာပါ... မင်းတို့ အဖေတိုက်ပွဲမှာဒါဏ်ရာရပြီး မဆုံးခင်ဆေးရုံမှာ နောက်ဆုံးပြောခဲ့တဲ့ စကား သားးမှတ်မိမှာပါ။"
"အဖေ့သားတွေ..မွန်မြတ်သော သေခြင်းကိုသာ လုပ်ဆောင်နိုင်ပါစေ" ..... အဖေ့စကားက နားထဲတွင် ပဲ့တင်ထပ်နေသည်။
အဖေ.. သားညီလေးကိုထိုးလိုက်မိတာဟာ စေတနာဒေါသောနဲ့ပါ။ ညီလေးတစ်နေ့နားလည်လာနိုင်မယ်လို့ ကျွန်တော်ယုံကြည်ရင်း..ညီလေးဆီသို့.....

ဆက်ဖတ်ရန်...

ပြန်ခေါက်ထားရန်...

ဂုဏ်လေးတစ်ခုက အရာရှိကတော်ပါ

မနေ့က အမှတ်မထင် ကျွန်တော့်ညီမလေးတစ်ယောက်နဲ့ chat မှာစကားပြောဖြစ်တယ်။ ညီမလေးပြောတာလေးတွေက..
ညီမလေး ။ ။ ကိုကြီးတို့က စစ်သားတွေဆိုတော့ ရှေ့တန်းသွားရမှာပေါ့နော်။ တိုက်ပွဲဆိုရင် သေနတ်ပစ်တာတွေပါရှိမှာပေါ့နော်။
ကျွန်တော်။ ။ သြ..တိုက်ပွဲဆိုမှတော့ ဘယ်သူက ပန်းနဲ့ပေါက်နေ မတုန်းကွာ။ ဟိုဘက် ဒီဘက် ကတော့ ပစ်နေတာပေါ့။

ညီမလေး ။ ။ အင်း.. ညီမလေး တစ်လောက အစ်မတစ်ယောက်နဲ့ စစ်ဆေးရုံကို လိုက်သွားတော့ ... စိတ်တောင်မကောင်းဘူး။ မြင်ရတာကိုကြည့်ပြီး။ ကိုယ်ထက်ငယ်တဲ့ သူတွေကိုတောင် ဒီလိုနေရာမှာ ဒီလို အခြေအနေတစ်ခုနဲ့တွေ့လိုက်ရတာကို
ကြည့်ပြီး စစ်သားတွေဘ၀ကို တော်တော်စိတ်မကောင်းဖြစ်မိတယ်။
ကျွန်တော်။ ။ ဒီလိုပါပဲကွာ အသက်ကိုပေးပြီးပြီပဲ။ ဒီလောက်ကတော့ ကံကောင်းတယ်လို့ပြန်ဖြေသိမ့်ရတာပေါ့။
ညီမလေး ။ ။ ဟာ..ဘယ်ဟုတ်မလည်း ကိုကြီးရ.. သူတို့တွေရဲ့ မိသားစုတွေ ကရော။ အသက်ငယ်ငယ်နဲ့ အဲဒီလိုဖြစ်သွားတဲ့ သူတွေကြတော့ရော သူတို့ကောင်မလေးတွေကရော..ဘာတွေဆက်ဖြစ်မယ်ထင်တုံး။ ညီမလေး ကတော့ အဲဒါတွေ စဉ်းစားပြီး ရှေ့တန်းမထွက်ရတဲ့ လက်ရုံးတပ်က သူကိုပဲ ချစ်သူအဖြစ်လက်ခံတော့မယ်။ ကောင်းတယ်..ဟုတ်။
ညီမလေးပြောလိုက်တာကို နားထောင်ပြီး အဆုံးမှာတော့.. ကျွန်တော့်ချစ်သူကောင်မလေးမျက်နှာကို ပြေးမြင်လိုက်မိသည်။ ကျွန်တော်တို့ ခြေလျင်ကတပ်မတော်သားများ၏ အချစ်ကို လက်ခံကာ သူတို့ဘ၀လေးတွေကိုပါ အေးအတူ၊ ပူအမျှခံစားပေးသော ခြေလျင်တပ်မတော်သားများ၏ ဇနီးမယားများကို ချီးကျူးမိသည်။ သူတို့ရလိုက်တဲ့ ဂုဏ်လေးကတော့ အရာရှိကတော်ပါ။ ပေးဆပ်လိုက်ရပြီဟေ့ ဆိုရင် ဘ၀တစ်ခုလုံးဆိုတာ...ကျွန်တော့်ချစ်သူကောင်မလေးကြိုတွေးထားနိုင်ပါစေ...

ဆက်ဖတ်ရန်...

ပြန်ခေါက်ထားရန်...

စစ်မြေပြင်မှ နတ်သုဒ္ဓါ

(မိဘအိမ်တွင်..)
မိုးလင်းကျောင်းသွားခံနီး ဖြစ်နေကြကတော့ "အမေ ဘာဟင်းတုန်း ဒီနေ့" ...
" မနေ့က အမေ ဈေးမသွားအားလို့ ဘဲဥဟင်းလေးပဲ ချက်ပေးလိုက်တယ် သားရယ်"...
"ဟာ..ဒီဟင်းကြီး မစားချင်ပါဘူး။ တော်ပြီ..၀ယ်စားလိုက်တော့မယ်။ မယူသွားတော့ဘူး"။
(စစ်တက္ကသိုလ်ရောက်သောအခါတွင်...)
အိမ်ကပို့လိုက်တဲ့ အကြော်မနက်ဖြန်ရောက်မယ်တဲ့.. အတွေးလေးနဲ့တင် ပျော်နေသည်။ ဂျီးများ၍ မရတော့ အများတန်းတူ စားတတ်ရတော့သည်။ အရင်အချိန်ကအိမ်တွင် ကကျီကကြောင် ကျခဲ့သည်များကို ပြန်လည်မြင်ယောင်မိသည်။ အမေ...သားတောင်းပန်ပါတယ်။ စစ်တက္ကသိုလ်တွင် တော့ ဒီလိုပဲဖြတ်သန်းရင်းနဲ့ (၃)နှစ်ပြီးခဲ့ပါပြီ။ တာဝန်ကျရာ နေရာဒေသကိုလည်း ရောက်လို့လာပါပြီ။
(စစ်မြေပြင်တွင်....)

"ဗိုလ်ကြီး..ရိက္ခာကုန်ပြီ"....ကြားလိုက်ရသောစကားကြောင့် စိတ်မကောင်းအတော်ဖြစ်မိသည်။ မတတ်နိုင်၊ မရှိတော့လည်း ရှိတာရှာစားရတော့မှာပေါ့။
"ဗိုလ်ကြီး..ဒီမှာ စားစရာရပြီ"..
"ဘာတုံး ဆရာကြီးရ။ ငှက်ပျောအူတွေလား။ ဘာတုန်း" ..
"အီကုတ်.. ဗိုလ်ကြီး" ..
"အီကုတ်.. ဆရာကြီး ဟုတ်မှလည်း လုပ်နော်။ ရဲဘော်တွေ ဒုက္ခရောက်နေပါ့မယ်။"
"ဗိုလ်ကြီးတို့ကသာ မစားဘူးသေးလို့ပါ။ ကျွန်တော်တို့တွေက နောက်တန်းက ပေးအဖွဲ့ မရောက်သေးရင် ဒီအကောင်ကို စားနေကြ...စားကြည့်"
မြေကြီးထဲမှ နှိုက်ယူလိုက်သော အကောင်ရွစိရွစိများကို ကြည့်ပြီး... အမေ့မျက်နှာ နှင့် အမိကျောင်းတော်ကြီး သတိရမိသည်။ အိမ်မှာ ဂျီးများသမျှ ကျောင်းရောက်တော့ ကျွတ်သည်။ စစ်မြေပြင်ရောက်တော့ အမိကျောင်းတော်မှာ စားခဲ့ရသော ထမင်းတစ်နပ်ကို သတိရမိသည်။ အရှေ့ရောက်လာသော အကောင်မည်းမည်းကြော်ကို ကြည့်ပြီး ရင်ထဲအောင့်လာသည်။ မတတ်နိုင် မစားလျှင် ငတ်သေရုံသာရှိမည်။ စားရင်းနဲ့မှ တော်တော်စားကောင်းသည်။ ပင်ပန်းသည့် ဒဏ်ကြောင့်လား၊ ဘာလားတော့ မသိ စစ်မြေပြင်တွင် ရှိတာကို ရှာကျန်စားလိုက်ရသော ထမင်းတစ်နပ်သည် ကျွန်တော်တို့ စစ်သားများအတွက်တော့ နတ်သုဒ္ဓါတစ်ပွဲပင်ဖြစ်တယ်ဆိုတာ ကျွန်တော်ကိုယ်ချင်းစာမိလိုက်ပါတော့သည်။

ဆက်ဖတ်ရန်...

ပြန်ခေါက်ထားရန်...

ရင်ကိုယားစေသော စာလေးတစ်စောင်

ကရင်ပြည်နယ်ဒေသလေးတစ်ခုတွင် လုံခြုံရေးတာဝန်ကို ထမ်းဆောင်နေရချိန် ချစ်သူ၊ ခင်သူ၊ မိဘဆွေမျိုးမောင်နှမများ နဲ့ဝေးကွာနေသော ကာလလေးသည် လွမ်းဆွေးမှုတွေနှင့် တာဝန်ဟူသော အရာနှစ်ခု ပြည့်နှက်နေသော ရက်များဖြစ်သည်။ နောက်တန်းမှရောက်လာသော စာလွှာလေးများသည်သာ တစ်နေ့တာ ပင်ပန်းနေမှုများကို အဝေးသို့ လွှင့်စင်စေပါသည်။ အကြင်ချစ်သူမရှိသော ကျွန်တော့်ဘ၀အတွက် စာဆိုသည်မှာ တော်တော်စဉ်းစားရသည်။ ကံကောင်းချင်သောရက်လေးကို ရောက်လာပါသည်။ ရဲဘော်တစ်ဦးက ကျွန်တော့်နာမည်နဲ့ စာလေးတစ်စောင်ကို ယူဆောင်လာပေးပါတယ်။ ပေးပို့သောစာလွှာရှင်လေးနံမည်လေးက မကြာသေးမီက ခင်မင်ခွင့်ရလိုက်သော ညီအစ်မနှစ်ယောက်... ကျွန်တော်ဝမ်းသာမှုများနှင့် ရင်ခုန်မှုတွေပါ စာလေးကို ဖွင့်လိုက်မိသည်။.....

စာထဲကအကြောင်းအရာလေးတွေကို ဖတ်ရင်းနဲ့ ရင်ထဲမှာ ယားကျိကျိဖြစ်လာတယ်။ တော်တော်ကို ဆွဲဆောင်မှုကောင်းတဲ့စာလေးပေါ့ ယားကျိကျိတောင် ခံစားရတယ်ဆိုတော့။ နောက်တော့ လက်တွေပါယားလာတာ။ တစ်ကိုယ်လုံးကို ယားလာတော့တာပါပဲ။ နောက်ဆုံးမှာတော့ ရေပြေးချိူးလိုက်ရတော့တယ်။ စာလေးကို သေချာစွာဖတ်ကြည်တော့မှ အောက်ဆုံးတွင် သတိပေးစကားပါ ပါတယ်။ "ခွေးလျားသီးမှုန့်ပါသည်" တဲ့လေ။ ဘယ်လိုမှကို အပြစ်မြင်လို့မရဘူး။ သူတို့ရဲ့စာလေးကြောင့် ပင်ပန်းနေသော ကျွန်တော်တင်မက ကျွန်တော့်တပ်ခွဲတစ်ခုလုံး တသောသောရယ်နိုင်တော့သည်။ ညီမလေးနှစ်ယောက်ကို ဒီအကြောင်းရာလေးကို စဉ်းစားမိတိုင်း ကျေးဇူးတင်ပါတယ်။

ဆက်ဖတ်ရန်...

ပြန်ခေါက်ထားရန်...

ကျွန်တော့်ချစ်သူ တောင်းသောဆု

ပျောက်ကွယ်သွားသော အလင်းရောင်တန်းတစ်ခုကို ကြည့်ရင်း လစ်လပ်သွားသော နှလုံးသားလေးကို ရင်နာနာဖြင့်သာ လက်ခံလိုက်ရတော့မယ်။ ဘေးဝဲယာမှ ကျွန်တော့် သူငယ်ချင်း၊ ရဲဘော်ရဲဘက်များကတော့ တိတ်ဆိတ်စွာပင် ၀င်ခံနီး နေမင်းကြီးကိုသာ ငေးမောကြည့်နေကြသည်။ ကျွန်တော်တို့ဘ၀တွေက နေ၀င်ချိန်ရောက်နေပြီလား.....
တိုက်ပွဲတွင် ရလိုက်သော ဒါဏ်ရာကြောင့် ကျွန်တော်ဒီဆေးရုံကို ရောက်လာခဲ့တယ်။ ရက်တွေလတွေသာ ပြောင်းလာပေမယ့် ကျွန်တော်မျှော်လင့်ထားတဲ့ သူမ ရောက်မလာခဲ့ပါဘူး။ အကျည်းတန်နေတဲ့ ကျွန်တော့်ဘ၀ထဲကို သူမကို မခေါ်ရက်ပါဘူး။ ဒါပေမယ့်လည်းဗျာ... နှစ်ကိုယ်တူ ထားခဲ့တဲ့သစ္စာတွေကို မသိစိတ်က တောင့်တနေမိတာပါ။ နေ့လေးတစ်နေ့မှာတော့

ကျွန်တော်မျှော်လင့်တာ ဖြစ်လာပါတယ်။ သူမရောက်လာပါပြီ.. ကျွန်တော့်ကိုပြုံးပြနေတဲ့ အပြူံးလေးက အေးစက်စက်လေး... သူမပြောလိုက်တာကတော့
"ကိုလေး ကို ကန်တော့ပါရစေ" ဘာပြန်ပြောရမှန်း မသိအောင်ကို ကျွန်တော့်ချစ်သူလေးက ထူးဆန်းတာတွေကို လုပ်နေပြီ။ ကြမ်းပြင်မှာ ပုံ့ပုံ့လေးထိုင်ချကာ ကျွန်တော်ကို ကန်တော့နေတော့သည်။ ကန်တော့ခြင်း အဆုံးမှာ သူမပြောလိုက်တာလေးက "ပြစ်မှားမိတာများရှိခဲ့ရင် ခွင့်လွှတ်ပါ။ ကိုလေး.. ငယ့် ကို မေ့လိုက်ပါတော့" တဲ့။ သြကာသ လောကသား အပေါင်းတို့ ခင်ဗျာ.. ကျွန်တော်ဘာဆုပေးရမတုံး ???? "လိုအင်တောင့်တမှုတွေပြည့်ပါစေ" လို့ပြောရမှာလား။
ကျွန်တော်ချစ်သူကောင်မလေးကတော့ အဆန်းထဲကမှ အဆန်းဆုံးကို လုပ်ပြသွားပါပြီ။
သူကျောခိုင်းသွားပြီ.. နေမင်းကြီးကလည်း ၀င်သွားပါပြီ။ ကျွန်တော်ချစ်သောမြေအတွက် ကာကွယ်ပေးရင်း ကျွန်တော်ခန္ဓာတင်မက၊ ကျွန်တော်ချစ်သောကောင်မလေးပါ စွန့်လွှတ်လိုက်ရပြီ။ ကျွန်တော့်လို "တောင်းတဲ့ဆုတွေပြည့်ပါစေ" အဖြစ်မျိုးနဲ့ မကြုံကြပါစေနဲ့.... ညီတို့၊ အစ်ကိုတို့။

ဆက်ဖတ်ရန်...

ပြန်ခေါက်ထားရန်...

To..Daddy

(သူငယ်ချင်းတစ်ယောက်ရဲ့ခံစားချက်တစ်ခုပါ။)

အဖေသိနိုင်ပါစေ...

သားစာမေးပွဲအောင်တယ် အဖေ. ဒါကို အဖေ မသိနိုင်တော့ဘူးနော်။ သား စစ်တက္ကသိုလ်တက်မယ် အဖေ။ အဖေဖြစ်စေချင်တဲ့ စစ်ဗိုလ်တစ်ယောက်ဖြစ်အောင် သားကြိုးစားမှာပါ။ အဖေကို မြင်စေချင်တယ် အဖေရာ.. သားကျောင်းဆင်းပွဲမှာ အဖေ့ကို ရှိစေချင်လိုက်တာ။ အမေကတော့ အပြုံးတွေက မျက်ရည်တွေနဲ့။ သားတာဝန်ကျတဲ့နေရာက သားတို့မြို့လေးကနေ သဘောင်္တစ်တန်၊ ကားတစ်တန်ပေါ့။ အဖေရေ...သား ရှေ့တန်းထွက်ရတော့မယ်။ သား ရင်ထဲမှာ အဖေကို ပြောချင်နေတယ်။ အဖေဖြစ်စေချင်တဲ့ အရာရှိတစ်ယောက်သားဖြစ်လာပြီ။ အဖေရေ ရှေ့တန်းမှာကတော့ အဆင်ပြေလားလို့မေးရင်တော့ ဒီလိုပါပဲပြောရမှာပေါ့။ ရက်တွေလတွေ ကုန်လာပြီ အဖေ။ သားတာဝန်ချိန်ပြီးဆုံးလို့ သား သင်တန်းတက်ဖို့ကြေးနန်းဝင်လာပြီ။ သားအရမ်းပျော်တာပဲ အဖေရာ.. အမေနှင့် ညီထွေးကို သားတွေ့ရတော့မယ်။ သား အပြန်လမ်းမှာ အပျော်တွေနဲ့ ရန်ကုန်မှာ သင်တန်းတက်ရမယ်တဲ့။ သား သူငယ်ချင်းတွေနဲ့လည်း ပြန်ဆုံရတော့မယ်။ မြို့လေးတစ်မြို့ကိုရောက်ဖို့ မိုင်(၂၀)ပဲလိုတော့တယ်။ သား uniform ကတော့ ညစ်ပတ်နေပြီ အဖေရာ မတတ်နိုင်ဘူးလေ ဒီလိုပဲ မြို့ထဲကို ၀င်ရတော့မှာပေါ့။
အဖေ...... သားမျက်လုံးတွေ ပြာသွားတယ်။

အဖေ.. အဖေ..သား ဘေးကိုရောက်လာတာလား။ သား သိလိုက်တဲ့အချိန်မှာ သား ရောက်ချင်တဲ့ ရန်ကုန်ကိုတော့ရောက်နေပြီ အဖေ။ အမေကတော့ သားဘေးမှာ မျက်ရည်တွေနဲ့။ သား ဘေးမှာ သားတွေ့ချင်တဲ့ သားသူငယ်ချင်းကျောင်းဆင်းဖက်တချို့ကိုတွေ့တယ်။ ဒါပေမယ့် သံလွင်ရောင် Uniform နဲ့တော့ မဟုတ်ဘူး အဖေ။ ပြာဖျော့ဖျော့ ၀တ်စုံလေးတွေနဲ့။ သူတို့ခြေထောက်အောက်ပိုင်းကို စောင်ဖုံးထားတဲ့နေရာက ကုတင်နဲ့တိုက်ရိုက်ထိနေတာ အဖေ။ သားကိုယ့်ကိုယ်ကိုတောင် ပြန်မကြည့်ရဲတော့ဘူး။ အမေကတော့ သားနဖူးလေးကို ပွတ်ပြီး ဘုရားစာတွေရွတ်နေပြီ။ သား မျက်ရည်တစ်ချက်ကျမိတယ်... အဖေ။ ဒါပေမယ့် သား ဒီလိုခံစားနေရပေမယ့် သား ၀မ်းမနည်းတော့ ပါဘူး။ သား ကိုပေးအပ်တဲ့တာဝန်ကို သား တာဝန်ကျေအောင် သား လုပ်ခဲ့ပါတယ်။ သား ဒီလိုခံစားနေရပေမယ့်... သား က တပ်မတော်သားအရာရှိတစ်ယောက်ပါ...အဖေ။ တပ်မတော်ထဲဝင်ကတည်းက သားအသက်နှင့် ခန္ဓာကို ပေးအပ်ထားပြီးသားပါ။ အဖေ... သားတာဝန်ကျေပါတယ်နော်။ သားကို ပြုံးပြနေမယ်လို့ သားမျှော်လင့်ပါတယ်။

ဆက်ဖတ်ရန်...

ပြန်ခေါက်ထားရန်...

မြန်မာတို့တွေ..

ကိုယ်ပိုင်ယဉ်ကျေးမှုများရှိသော မြန်မာတို့တွင် ကိုယ်ပိုင်စာပေ၊ ကိုယ်ပိုင်ဝတ်စားဆင်ယင်မှု၊ တေးဂီတ အနုပညာများ၊ ယုံကြည်ကိုးကွယ်မှု၊ ဘာသာရေးမှအစ ဂုဏ်ယူဝင့်ကြွားဖွေရာများကို တိမ်ကောပပျောက်ခြင်းမရှိစေဘဲ ဆက်လက်ရှင်သန်ကြီးထွားစေရန် အရေးကြီးပါသည်။ တိုင်းတစ်ပါးနိုင်ငံတို့၏ ယဉ်ကျေးမှုမှာ မိမိတို့နေရပ် ရာသီဥတု မတူညီသောကြောင့် မဟပ်စပ်ပါ။ ထိုသို့ပေါင်းစည်းပါက ကပြားသရုပ်ပျက် ယဉ်ကျေးမှုသာပေါ်ထွက်လာမည်ဖြစ်သည်။ တိုးတက်သောနိုင်ငံများမှ တိုးတက်ရာ တိုးတက်ကြောင်း အတုယူရမည့် အချက်အလက်များရှိသော်လည်း အရိုးကို အရွက်မဖုံးစေရန် မြန်မာ့ယဉ်ကျေးမှု ဓလေ့ရိုးရာများကို တိုင်းရင်းသား မြန်မာလူမျိုးတစ်ဦးတစ်ယောက်စီတိုင်း၏ အသိစိတ်ဓါတ်ပေါ်တွင် မူတည်နေပါသည်။
(မှီငြမ်းကောက်နုတ်ချက်။ ။ တင်သန်းယု (မြန်မာ့ခရီးသွား)

ဆက်ဖတ်ရန်...

ပြန်ခေါက်ထားရန်...

မြန်မာနိုင်ငံတော်အလံ

မြန်မာနိုင်ငံတော်အလံ

အနီရောင် (red) - ရဲရင့်ခြင်း (bravery)
အဖြူရောင် (white) - သန့်ရှင်းခြင်း (cleanness)
အပြာရောင် (blue) - ငြိမ်းချမ်း၊ တည်ကြည်ခြင်း (peace)

Italian version: La nostra bandiera che significa...
ci sono tre colori .. il rosso, il bianco e il blu.
1. il rosso che significa il coraggio.
2. il bianco che significa il pulizia d'enima
3. il blu che significa la tranquillit

ဆက်ဖတ်ရန်...

ပြန်ခေါက်ထားရန်...

One place at Shan state

အေးမြသောရှမ်းပြည်နယ်ဒေသတစ်ခုကို ကျွန်တော်အလည်အပတ် ပြန်လည်ရောက်ရှိလာချိန် လွန်ခဲ့သော ဆယ်စုနှစ်အလွန်မှ အဖြစ်အပျက်များကို ပြန်လည်သတိရမိလိုက်သည်။ ဒီမြေကြီးဟာ ကျွန်တော်ခန္ဓာအစိတ်အပိုင်းတစ်ခုတင်မကပဲ ကျွန်တော့်၏ သူငယ်ချင်းများ၊ ကျွန်တော့်၏ ရဲဘော်ရဲဖက်များအသက်ကို မြှုပ်နှံခဲ့ရတယ်ဆိုတာ အခုတော့ ဘယ်သူတွေသိနိုင်တော့မှာလည်း။ အေးချမ်းနေသော ဒီဒေသလေးကို ရောက်တိုင်း ခံစားမိတာတဲ့ ပေးဆပ်လိုက်ရသော အရာများအတွက် ဂုဏ်ယူမိပါတယ်။ ကျွန်တော်တို့က စစ်သားတွေလေ... ကျွန်တော်တို့အသက်၊ ကျွန်တော်တို့ ခန္ဓာကို ပေးဆပ်ရဲလို့သာ တပ်မတော်သားဆိုတဲ့ ရာထူးကို ရခဲ့ကြတာပါ။ အသက်ခန္ဓာပေးဆပ်လိုက်ရသော သူငယ်ချင်းတို့.. မင်းတို့ ဒီဒေသလေး အေးချမ်းနေပြီဆိုတာ မြင်နိုင်ကြပါစေ..

ဆက်ဖတ်ရန်...

ပြန်ခေါက်ထားရန်...